Plantun de Prouvènço

Pèr coumpara dos planto d'encò nostre

Iris pseudacorus & Doronicum austriacum

Glaujo

Iris pseudacorus

Iridaceae

Àutri noum : Glaujòu-jaune, Tèsto-d'ase, Coutello-de-valat, Coutelas, Espaso.

Noms en français : Iris des marais, Iris jaune.

Descripcioun :
La glaujo "es uno grando planto que sort à bèlli mato au ribeirés dis aigo, emé de lòngui fueio en formo de coutello e de bèlli flour jauno requinquihado en l'èr coume d'alabardo d'or" F. Mistral in Memòri e Raconte, 1906.

Usanço :
Se fasié de cataplasme emé lou rizoume pèr sougna lis agacin (principe di signaturo). Mescla emé de la limaio de ferre dounavo peréu uno encro negro de qualita. F. Mistral ramento que "Flourdalis vèn de flour d'iris, car es un iris la glaujo, e l'azur dóu blasoun represènto bèn l'aigo ounte la glaujo crèis, Ibid. Aro se n'en servèn pèr depoulua l'aigo.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Jauno
Petalo : 6
Ø (o loungour) flour : 5,5 à 6,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Roubino
Estànci : Termoumediterran à Mountagnard
Couroulougi : Éurasiatico
Ref. sc. : Iris pseudacorus L., 1753

Dourounic(-d'Austrìo)

Doronicum austriacum

Asteraceae Compositae

Nom en français : Doronic d'Autriche.

Descripcioun :
Aquéu rare dourounic s'atrovo au nostre soulamen dins li mountagno dis Aup marino. Es uno grando planto, di cambo lignouso e redo, emé de poulìdi flour coumpausado jauno en pinceloun. Se recounèis subretout à si fueio de cambo en vióuloun (fotò). Es aparado en Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Doronicum
Famiho : Asteraceae
Famiho classico : Compositae
Tribu : Senecioneae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 5 à 6 cm
Flourido : Estiéu

Sòu : Ca
Autour basso e auto : 1800 à 2200 m
Aparado : Vo
Juliet à setèmbre

Liò : Champino - Prado à rousèu - Ribierau
Estànci : Subaupen
Couroulougi : Ouroufito-Sud-Éuroupenco
Ref. sc. : Doronicum austriacum Jacq., 1774

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Iris pseudacorus & Doronicum austriacum

ges

Coumpara Glaujo emé uno autro planto

Coumpara Dourounic(-d'Austrìo) emé uno autro planto